E shtunë, 21 nëntor 2026 DENONCO ANONIM Denonco: +355 69 20 95 843
PUBLIK PUBLIK
Teatër në sheshin “Nënë Tereza”: PS mbledh Asamblenë e Tiranës me listë prezence dhe media të përjashtuara
Lajme

Teatër në sheshin “Nënë Tereza”: PS mbledh Asamblenë e Tiranës me listë prezence dhe media të përjashtuara

Sheshi “Nënë Tereza” në Tiranë është kthyer sot në një zonë të mbyllur. Me dhjetëra policë, efektivë civilë dhe gardistë kanë ngritur një perimetër të gjerë sigurie rreth vendit ku po zhvillohet Asambleja e Tiranës e Partisë Socialiste.

Gazetarët dhe operatorët e mediave nuk janë lejuar t’i afrohen vendit të takimit. Ata janë mbajtur në një distancë prej rreth 60 metrash, pa mundësi të ndjekin nga afër zhvillimet ose të marrin deklarata nga pjesëmarrësit.

Brenda kordonit, sipas informacioneve, pjesëmarrja është mbajtur me listë prezence. Kjo e bën mbledhjen më shumë një apel të detyruar sesa një takim të hapur partiak.

Ky nivel sigurie dhe largimi i medias kanë ngritur pikëpyetje: pse duhet mbrojtur një mbledhje partie në mes të kryeqytetit me forcat e shtetit, ndërsa gazetarët mbahen larg? Për shumë njerëz, pamja e sotme nga sheshi duket më shumë si një skenë e përgatitur sesa si një asamble politike.

Mbledhja vjen në një periudhë kur socialistët po riorganizohen në Tiranë. Kohët e fundit Ervin Demo dhe Albana Koçiu u caktuan bashkëdrejtues politikë të Partisë Socialiste në Tiranë. E gjitha kjo është pjesë e përgatitjeve për zgjedhjet e ardhshme vendore, ato të pranverës së 2027.

Deri në këtë moment, Partia Socialiste nuk ka dhënë asnjë shpjegim pse u vendos ky perimetër dhe pse mediat u mbajtën larg.

Na ndiqni në YouTubeVideo, intervista dhe transmetime nga PUBLIK TV Abonohu

Keni një histori? Denonco anonimisht, identiteti juaj mbrohet.

Denonco
DENONCO

Zëri yt bëhet lajm.

Bëhu pjesë aktive e Publik.al. Raporto çdo padrejtësi, korrupsion apo ngjarje, me foto dhe video. Identiteti yt mbrohet nga redaksia.