
Sulmuesi i Bayern Munich, Harry Kane, ka premtuar se do të rikthehet në fushë “i freskët dhe gati” për pjesën vendimtare të sezonit, pasi iu nënshtrua me sukses një operacioni në kyçin e këmbës së majtë. Klubi konfirmoi se kapiteni i Anglisë pësoi një dëmtim të ligamentit gjatë barazimit 1-1 të Bayernit në shtëpi kundër Këlnit të premten, duke u larguar nga loja pas vetëm 20 minutash.
Bayern Munich njoftoi të shtunën se fituesi i Topit të Artë i ishte nënshtruar me sukses ndërhyrjes kirurgjikale. 33-vjeçari, i cili pritet të mungojë për tre deri në katra muaj, do të fillojë menjëherë programin e tij të rehabilitimit. Kane ndau një foto nga shtrati i spitalit në rrjetet sociale, duke shprehur zhgënjimin për dëmtimin, por theksoi se kjo është një mundësi për të treguar qëndrueshmëri dhe përmirësim.
Ai citoi gjithashtu Julian Edelman, duke thënë: “Kohët e vështira nuk zgjasin, njerëzit e fortë po”, ndërsa falënderoi mbështetësit për mesazhet e tyre. Kane ka pasur probleme me kyçin e këmbës edhe më parë, megjithëse ka humsur vetëm disa ndeshje që nga transferimi te Bayerni në vitin 2023.
Dëmtimi vjen në një moment të vështirë për Bayernin, i cili po përballet me mungesa të shumta, veçanërisht në sulm. Klubi aktualisht është pa Luis Diaz, Serge Gnabry, Alphonso Davies, Ismael Saibari dhe kapitenin Manuel Neuer. Ndërkohë, mesfushori Jamal Musiala dhe trajneri Vincent Kompany u rikthyen në fushë të premten pas mungesave të gjata. Trajneri i Anglisë, Thomas Tuchel, do të monitorojë me kujdes progresin e rehabilitimit të lojtarit më të grumbulluar të Anglisë, pasi Anglia do të luajë kundër Norvegjisë në çerekfinalet e Ligës së Kombeve në fund të marsit.
