Reklamë I Love Orange

Kushte të reja për subvencionet në bujqësi, çfarë rrezikojnë fermerët

Rregulla të reja për subvencionet, fermerët mund të humbasin mbështetjen financiare nga shteti. Fermerët që marrin subvencione nga shteti pritet të përballen me kushte të reja. Një projektligj për bujqësinë dhe zhvillimin rural parashikon që, për të përfituar mbështetje financiare, nuk do të mjaftojë vetëm ushtrimi i aktivitetit bujqësor apo blegtoral. Fermerët do të duhet të respektojnë edhe një sërë rregullash për mbrojtjen e tokës, përdorimin e ujit, mjedisin dhe kujdesin ndaj kafshëve.

Nëse këto rregulla nuk zbatohen, subvencionet mund të ulen ose, në raste të rënda, të ndërpriten plotësisht.

Ndryshimet e propozuara prekin fermerët që përfitojnë pagesa për sipërfaqet bujqësore apo për numrin e krerëve të bagëtive. Përveç kushteve që lidhen me prodhimin, ata do të duhet të tregojnë se aktiviteti i tyre zhvillohet në përputhje me standardet e përcaktuara.

Një nga kërkesat është që detyrimet për mbrojtjen e tokës dhe mjedisit të zbatohen në të gjithë sipërfaqen e fermës, edhe në pjesët që nuk përdoren më për prodhim. Nga ky rregull përjashtohen fermerët e vegjël që përfitojnë pagesën e thjeshtuar.

Projektligji parashikon që shkeljet të ndëshkohen në varësi të rëndësisë së tyre. Për shembull, një fermer që nuk respekton detyrimet për mbrojtjen e tokës apo përdorimin e ujit mund të përballet me ulje të shumës që duhet të marrë nga shteti. Nëse shkeljet janë të rënda ose përsëriten, penaliteti mund të shkojë deri në humbjen e plotë të subvencionit.

Megjithatë, jo çdo problem do të sjellë automatikisht ndëshkim financiar. Në rastet kur shkelja është e vogël dhe nuk ka pasoja të rëndësishme, fermerit do t’i jepet mundësia të korrigjojë problemin.

Gjithashtu, fermerët nuk do të penalizohen për situata që nuk varen prej tyre, si fatkeqësitë natyrore, rrethanat e jashtëzakonshme apo gabimet e institucioneve përgjegjëse. Rregullat e reja pritet të kenë rëndësi edhe për fermerët e jugut, ku shumë familje sigurojnë të ardhura nga kultivimi i mandarinave, ullinjve, perimeve dhe nga blegtoria.

Në zona si Konispoli, Finiqi dhe Delvina, fermerët që aplikojnë për subvencione do të duhet të kenë parasysh jo vetëm kriteret për sipërfaqen e tokës apo numrin e kafshëve, por edhe detyrimet që lidhen me mënyrën e administrimit të fermës.

Kjo do të thotë se një fermer mund të plotësojë kushtet për të marrë mbështetje financiare për prodhimin, por përsëri të rrezikojë një pjesë të pagesës nëse gjatë kontrolleve konstatohen shkelje të standardeve të kërkuara.

Projektligji nuk përcakton ende sa për qind e subvencionit do t’i mbahet fermerit për çdo shkelje. Këto masa do të përcaktohen më vonë me udhëzim të ministrit të Bujqësisë. Kontrollet do të kryhen nga Agjencia e Pagesave dhe strukturat përgjegjëse të inspektimit, të cilat do të verifikojnë nëse fermerët i përmbushin kushtet.

Qëllimi i ndryshimeve është përafrimi i sistemit shqiptar të subvencioneve me rregullat e Bashkimit Europian, ku mbështetja financiare lidhet edhe me mbrojtjen e mjedisit dhe përdorimin e qëndrueshëm të tokës bujqësore. Saranda Web

Reklamë për udhëtimet me autobus Sarandë–Tiranë

NDAJE ME MIQTË

NA NDIQNI

Qëndroni të lidhur me Saranda Web në rrjetet tona sociale.

POSTIMET E FUNDIT

Kushte të reja për subvencionet në bujqësi, çfarë rrezikojnë fermerët

Kushte të reja për subvencionet në bujqësi, çfarë rrezikojnë fermerët

21 Nëntor 2026 19:45
Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

21 Nëntor 2026 19:15
I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

21 Nëntor 2026 10:46
Banorët e Ksamilit denoncojnë: “Ujësjellësi na thotë gjeni privatin që çau tubin”

Banorët e Ksamilit denoncojnë: “Ujësjellësi na thotë gjeni privatin që çau tubin”

20 Nëntor 2026 14:48
Natasha fiton betejën me OSHEE, Gjykata vendos rikthimin e energjisë elektrike – VIDEO

Natasha fiton betejën me OSHEE, Gjykata vendos rikthimin e energjisë elektrike – VIDEO

20 Nëntor 2026 13:47
Shalës, banorët ankohen për rrugën e dëmtuar: Bashkia Konispol prej vitesh bën vetëm premtime

Shalës, banorët ankohen për rrugën e dëmtuar: Bashkia Konispol prej vitesh bën vetëm premtime

19 Nëntor 2026 21:25